TEILS (LLAWR A WAL)

Ble gallaf i ailgylchu? »

buildmat_port3_en-120x201.jpg

Nid yw teils llawr a wal yn cael eu casglu fel rhan o gynllun ailgylchu gwastraff y cartref eich cyngor; fodd bynnag, gallwch fynd â nhw i’ch canolfan gwastraff y cartref ac ailgylchu leol, fel arfer.

Os oes gennych chi deils dros ben o brosiect neu os ydych wedi llwyddo i dynnu eich hen deils heb eu torri, ystyriwch yr opsiynau canlynol:

Pasiwch nhw ymlaen...

Ar-lein

• Ewch ar-lein i wefannau fel Freecycle a Freegle i’w rhoi’n rhad ac am ddim;
• Rhowch gynnig ar hysbysebu’r deunyddiau adeiladu sydd gennych dros ben ar wefannau fel eBay neu Gumtree.

Ffrindiau, perthnasau a digwyddiadau lleol

• Holwch ffrindiau a pherthnasau i weld a oes eu hangen arnynt ar gyfer unrhyw brosiectau adeiladu sydd ganddynt yn yr arfaeth;
• Gwiriwch yn lleol – efallai y gall prosiect cymunedol yn eich ardal leol  ddefnyddio eich manion adeiladu;
• Hysbysebwch mewn papurau newydd lleol, ffenestri siopau neu ar hysbysfyrddau cymunedol.

Ailgylchwch nhw...

• Os na allwch chi ddod o hyd i unrhyw un i’w cymryd, gallwch gael gwared ar eich teils yn eich canolfan ailgylchu leol;
• Bydd angen i chi eu gludo eich hun.  Cysylltwch â’r ganolfan ailgylchu i gael gwybod beth yw’r oriau agor, sy’n gallu amrywio ar gyfer ceir a faniau;
• Os ydych chi’n mynd â’r teils mewn fan, gwiriwch â’r ganolfan ailgylchu a oes angen unrhyw ganiatâd neu ddull adnabod arnoch i wneud hynny;

Beth arall gallaf ei wneud?

• Os oes gennych chi lawer o deils i gael gwared arnynt, gallwch drefnu i gwmni gwaredu gwastraff trwyddedig ddod â sgip neu fag mawr i’ch cartref i gael gwared arnynt.