DEUNYDD PACIO ANRHEGION A THEGANAU

Ble gallaf i ailgylchu? »

Gellir ailgylchu rhai deunyddiau pacio anrhegion a theganau, ond bydd angen eu gwahanu a’u didoli.

Dyma rai awgrymiadau syml gan Gymdeithas Teganau a Hobïau Prydain:

• Cadwch yr holl wybodaeth ddiogelwch o’r deunydd pacio a’i chadw â’r cyfarwyddiadau ar gyfer ei ddefnyddio.  Trwy wneud hyn, gallwch gyfeirio ati yn y dyfodol, neu ei phasio ymlaen i rywun arall os byddwch yn rhoi’r tegan i ffrindiau, perthnasau neu siop elusen;
• Cadwch ddeunyddiau pacio bach a bagiau plastig oddi wrth blant bob amser;
• Cadwch ddeunyddiau pacio pan fyddant yn offeryn amlwg ar gyfer storio’r cynnyrch, fel jig-sos a gemau.

Beth arall gallaf ei wneud ag ef?

• Gall bagiau anrhegion gael eu cadw a’u hailddefnyddio;
• Mae rhai bocsys anrhegion yn ddel iawn a gellir eu cadw i roi gemwaith, tlysau a chofroddion arbennig ynddynt, er enghraifft.

Ei ailgylchu...

Yn aml, mae deunyddiau pacio teganau ac anrhegion yn cynnwys deunyddiau gwahanol - fel cardbord, papur a phlastig.  Gellir ailgylchu rhai o’r rhain, ond ni ellir ailgylchu eraill.  Bydd angen i chi wahanu’r rhain cyn eu hailgylchu.

• Tynnwch ffenestri plastig o focsys cardbord cyn eu hailgylchu - dylech roi’r ffenestr blastig yn eich bin sbwriel
• Gwasgwch gardbord er mwyn ei gludo’n hawdd i gyfleusterau ailgylchu neu i wneud mwy o le yn eich bin ailgylchu gwastraff y cartref
• Gall pecynnau pothellog plastig sydd wedi’u marcio â PET neu PETE gael eu hailgylchu gan y rhan fwyaf o awdurdodau lleol, ond gwiriwch â’ch cyngor yn y lle cyntaf 
• Dylech gadw clymau gwifren ar wahân i weddill y deunydd pacio.  Yn gyffredinol, ni ellir ailgylchu’r rhain, ond gellir eu hailddefnyddio h.y. i glymu planhigion yn yr ardd neu ail-selio pacedi o lysiau rhewedig sydd ar eu hanner
• Tynnwch yr handlenni rhaff neu ruban oddi ar fagiau anrhegion - gall y rhain gael eu hailddefnyddio neu dylech eu rhoi yn eich bin sbwriel