Mae pobl ifanc yn allweddol i wneud Cymru’r wlad orau yn y byd am ailgylchu

Ar hyn o bryd, Cymru yw’r drydedd wlad orau yn y byd o ran ailgylchu yn ôl ymchwil annibynnol newydd^a, er gwaethaf y ffaith nad yw 43% o bobl 18–24 mlwydd oed a 34% o bobl 25–34 mlwydd oed yn ailgylchu eu gwastraff bwyd, o’i gymharu â 5% o bobl 65 mlwydd oed a hŷn.^b.

Mae tua thri chwarter ohonom yng Nghymru yn honni ein bod yn ailgylchu ein gwastraff bwyd, ond pan ofynnom i’r rhai nad ydynt yn ailgylchu beth sy’n eu hatal rhag gwneud, y rhesymau mwyaf cyffredin oedd y byddai’n creu annibendod neu y byddai’n rhy ddrewllyd, neu nad ydynt yn credu eu bod yn cynhyrchu digon o wastraff bwyd i warantu’r ymdrech ailgylchu.

Mae llawer o’r 210,000 tunnell o wastraff bwyd o’r cartref yng Nghymru na chaiff ei ailgylchu yn cyrraedd safleoedd tirlenwi, sy’n cyfrannu at greu methan, nwy tŷ gwydr peryglus. Pe bai’r bwyd hwn yn cael ei ailgylchu, gellid rheoli’r methan a’i droi’n ynni i bweru cartrefi a chymunedau ledled Cymru. Er enghraifft, gallai cyn lleied â dau lond cadi bach o wastraff bwyd gynhyrchu digon o drydan i bweru cartref cyffredin am dros 1 awr a hanner. Dysgwch sut.

Datgelodd ein hymchwil hefyd mai pobl sengl yw'r rhai mwyaf tebygol o roi bwyd yn y bin gwastraff – gydag 18% o gartrefi sengl yn cyfaddef mai anaml y maent yn ailgylchu bwyd, o'i gymharu â 7% o barau. Yng Nghymru, mae'n ymddangos mai menywod sy’n ennill y frwydr ailgylchu, gyda dim ond 10% o ferched cyfaddef eu bod yn rhoi eu gwastraff bwyd yn y bin yn hytrach na'r cadi, o'i gymharu â 16% o'r holl ddynion yng Nghymru

Edrychwch ar ein fideos, lle ceir dau o bobl Cymru yn rhannu eu cynghorion gorau ar gyfer ailgylchu bwyd, gan gynnwys cynghorion ar sut i gadw’ch cadi bwyd yn lân a diarogl. I ddysgu am eich gwasanaeth lleol ac i archebu bin gwastraff bwyd, cliciwch yma.

^ahttp://resource.co/article/recycling-who-really-leads-world-11739 

^bStatistics taken from WRAP Recycling Tracker Wales