ORIORAU

Nid yw oriorau’n cael eu casglu fel rhan o’ch casgliad ailgylchu gwastraff y cartref, fel arfer.  Fodd bynnag, yn aml bydd elusennau’n eu derbyn.

Isod, ceir rhai opsiynau ar gyfer sut i gael gwared ar eich oriorau diangen neu oriorau sydd wedi torri.

Pasiwch nhw ymlaen…

Sefydliadau cymunedol ac elusennau

• Mae llawer o elusennau’n derbyn oriorau (a gemwaith).  Gellir eu hailgylchu neu eu hailwerthu i godi arian gwerthfawr.  Gwiriwch y rhestr eitemau derbyniol ar fagiau elusennau’n gyntaf bob tro – maent yn amrywio’n fawr;
• Fel arall, mae sefydliadau ar-lein fel 'Recycling for good causes' yn derbyn gemwaith ac oriorau (ni waeth pa gyflwr sydd arnynt) trwy’r post i’w hailwerthu/hailgylchu i godi arian ar gyfer elusennau cenedlaethol a grwpiau lleol fel y Sgowtiaid a’r Brownis.

Ar-lein

Os ydynt yn gweithio’n dda:

• Gallwch basio eitemau ymlaen yn rhad ac am ddim ar wefannau felFreecycle a Freegle;
• Neu gallwch eu gwerthu ar wefannau fel eBay a Gumtree.

Ar y stryd fawr

• Rhowch gynnig ar werthu eich gemwaith mewn siop gemydd neu siopau fel Cash Converters – yn enwedig os yw o ansawdd uchel neu’n frand poblogaidd;

Ffrindiau, perthnasau a digwyddiadau lleol

• Holwch ffrindiau a pherthnasau – efallai mai dyna’r union beth maent yn chwilio amdano!
• Gwerthwch eitemau’n lleol mewn arwerthiannau cist car, arwerthiannau ar gyfer eitemau sydd bron â bod yn newydd ac arwerthiannau moes a phryn;
• Hysbysebwch nhw yn eich papur newydd lleol neu ar hysbysfyrddau lleol.