Beth i'w wneud gyda
GWYDR
Ble gallaf i ailgylchu? »
Gellir ailgylchu’r rhan fwyaf o boteli a jariau gwydr. Mae casgliadau ailgylchu’n amrywio ar draws y wlad, felly bydd angen i chi wirio a oes modd i chi roi eitemau gwydr yn eich bin ailgylchu neu b’un a fydd angen i chi fynd â nhw i’ch banc poteli lleol neu’r ganolfan ailgylchu.
Sut dylwn i ailgylchu gwydr?
- Dylai poteli a jariau gael eu rinsio i gael gwared ar unrhyw weddillion;
- Gallwch roi topiau/caeadau metel yn ôl arnynt – bydd y rhain yn cael eu tynnu yn ystod y broses ailgylchu. Fodd bynnag, mae rhai cynghorau’n gofyn yn benodol i chi eu tynnu – os yw hynny’n wir yn eich ardal chi, dilynwch yr arweiniad hwn;
- Dylai cyrc gael eu tynnu – gall cyrc naturiol gael eu compostio gartref;
- Mewn banciau poteli, rhowch y gwydr yn y banc cywir ar gyfer gwydr clir, gwyrdd neu frown. Rhowch wydr glas i mewn â gwydr gwyrdd
- Defnyddiwch fanciau poteli yn ystod y dydd yn unig – gall sŵn poteli’n malurio gwneud andros o dwrw ac amharu ar bobl sy’n byw gerllaw!
- Cofiwch beidio â gadael bagiau a photeli gwag o gwmpas y banc poteli.
Darganfyddwch fwy trwy wylio’r animeiddiad:
A oes unrhyw eitemau gwydr NA ALLAF eu hailgylchu?
Oes, mae’r eitemau hyn yn cynnwys:
- Paenau ffenestri;
- Bylbiau golau;
- Llestr coginio gwydr fel Pyrex;
- Eitemau trydanol gwydr.
Gallwch gael gwared ar yr eitemau hyn yn ofalus yn eich gwastraff y cartref/bin sbwriel.
Beth arall gallaf ei wneud ag ef?
Ei ddychwelyd!
- Os oes modd dychwelyd potel, mae’n well gwneud hynny na’i hailgylchu. Er enghraifft, os ydych chi’n cael poteli llaeth gan y dyn llaeth, gwnewch yn siwr ei fod yn eu cael yn ôl!
Alla’ i wneud unrhyw beth arall ag ef?
- Gallwch ailddefnyddio hen jariau wrth wneud jamiau a siytni cartref;
- Os ydych yn adnabod unrhyw un sy’n bragu ei win neu ei gwrw ei hun, rhowch eich poteli gwydr iddo.
Cynnwys cysylltiedig
Chwedl – Y Mynydd Gwydr
Mae gwydr yn berffaith i’w ailgylchu – gallwch ei ailgylchu’n boteli a jariau dro ar ôl tro, heb i’w eglurder ddirywio; a gall cynhyrchion gwydr ddefnyddio hyd at 90% o ddeunydd wedi’i ailgylchu.
