CYRC

Nid yw cyrc yn cael eu casglu fel rhan o’ch cynllun ailgylchu o garreg y drws.  Fodd bynnag, gallwch eu rhoi yn eich bin compost os oes gennych chi un, eu hailgylchu mewn rhai siopau neu eu hailddefnyddio mewn llawer o ffyrdd gwahanol hefyd.

Gwneud torch Nadolig

Dechreuwch â thorch plaen 18” a gwn glud poeth.  Gludwch y cyrc o gwmpas y torch nes i chi lenwi’r holl leoedd gwag.  Gwnewch gwlwm a’i ddiogelu â gwifren gwerthwr blodau.

Llosgi cyrc ar dân agored

Y tu mewn: Os oes gennych chi dân/llosgydd pren go iawn y tu mewn, gallwch gadw eich cyrc eu defnyddio ar gyfer tanwydd.

Y tu allan: Maent hefyd yn wych i’w defnyddio yn yr ardd ar eich chiminea/pydew tân/barbeciw.

A ydych chi’n gwahodd pobl draw am swper?

Gallwch greu gosodiad bwrdd cyflym ag ychydig o gymeriad!  Torrwch agen mewn corcyn gwin a rhoi cerdyn lle ynddo.

Mae atgofion yn amhrisiadwy

Cymerwch y corcyn o’r botel, gwnewch ddymuniad bod yr hapusrwydd rydych yn ei deimlo yr eiliad honno yn cael ei ailadrodd, a rhowch ddarn arian mewn agen ar dop y corcyn!  Yn ôl traddodiad, dylech gysgu â’r corcyn o dan eich gobennydd, yna rhwbio’r darn arian unrhyw ddiwrnod wedi hynny i gael lwc dda!

Neu...gallech ysgrifennu’r dyddiad a’r achlysur ar ochr y corcyn a’i gadw mewn ffiol atgofion.

Defnyddio cyrc ar gyfer eich planhigion

Torrwch gyrc a’u malu i wneud tomwellt mân – mae’n helpu planhigion i ddal dŵr.  Yn benodol, mae tyfwyr tegeirianau wedi defnyddio cyrc wedi’u sleisio ers blynyddoedd maith i helpu’r planhigyn i ddal lleithder.  Mae hwn yn awgrym da ar gyfer y rhai ohonynt sy’n anghofio rhoi dŵr i’n planhigion!