BRONGLYMAU

Ble gallaf i ailgylchu? »

Mae gan y rhan fwyaf o fenywod fronglwm neu ddau ddiangen yn cuddio yng nghefn drôr.  O’r un del a brynwyd yn fyrbwyll ond sy’n anghyffyrddus neu’n anymarferol, i anrhegion anaddas... Os oes gennych chi fronglwm y mae arnoch chi eisiau cael gwared arno, ystyriwch yr opsiynau canlynol :-

Os ydyw mewn cyflwr ‘newydd’...

Gwerthwch ef i wneud ychydig o arian

• Gallwch ei werthu ar-lein ar wefannau fel eBay a Gumtree;
• Gwerthwch yn lleol mewn arwerthiannau ar gyfer eitemau sydd bron â bod yn newydd ac arwerthiannau moes a phryn.

Os ydyw wedi’i wisgo ond ei fod mewn cyflwr da...

Pasiwch ef ymlaen

• Mae elusennau cenedlaethol fel Against Breast Cancer, 'Breast Cancer Campaign' ac Oxfam yn casglu bronglymau i’w hailgylchu.  Maent yn codi arian ar gyfer yr elusennau a chaiff y rhan fwyaf o fronglymau eu hanfon i wledydd sy’n datblygu lle nad yw’r eitemau hyn ar gael yn rhwydd.  Gallwch ddod o hyd i’ch man casglu agosaf ar eu gwefannau;
• Rhowch eich bronglwm i’ch siop elusen leol.  Gwnewch yn siwr ei bod yn derbyn bronglymau, gan nad yw pob siop yn derbyn dillad isaf oni bai eu bod yn newydd;
• Yn aml, mae bagiau ailgylchu elusennau sy’n dod trwy’r drws yn derbyn bronglymau – gwiriwch y rhestr eitemau sydd fel arfer i’w gweld ar y bag.

Os nad yw’n addas i’w ailddefnyddio...

falseAilgylchwch ef

• Gall bronglymau gael eu hailgylchu mewn cynhwysyddion dillad a thecstilau mewn canolfannau ailgylchu gwastraff y cartref.