GEMWAITH

Fel arfer, nid yw gemwaith yn cael ei gasglu fel rhan o’ch casgliad ailgylchu gwastraff y cartref.  Fodd bynnag, bydd gwasanaethau arbenigol, elusennau a sefydliadau eraill yn cymryd eich gemwaith diangen.

Isod, ceir rhai opsiynau ar gyfer sut i gael gwared ar eich gemwaith diangen neu doredig.

Pasiwch ef ymlaen…

Sefydliadau cymunedol ac elusennau

• Mae llawer o elusennau’n derbyn gemwaith ac oriorau.  Gellir eu hailgylchu neu eu hailwerthu i godi arian gwerthfawr.  Gwiriwch y rhestr eitemau derbyniol ar fagiau elusennau’n gyntaf bob tro – maent yn amrywio’n fawr;
• Fel arall, mae sefydliadau ar-lein fel 'Recycling for good causes' yn derbyn gemwaith ac oriorau (ni waeth pa gyflwr sydd arnynt) trwy’r post i’w hailwerthu/hailgylchu i godi arian ar gyfer elusennau cenedlaethol a grwpiau lleol fel y Sgowtiaid a’r Brownis.

Ar-lein

• Gallwch basio eitemau ymlaen yn rhad ac am ddim ar wefannau felFreecycle a Freegle;
• Neu gallwch eu gwerthu ar wefannau fel eBay a Gumtree.

Ar y stryd fawr

• Rhowch gynnig ar werthu eich gemwaith mewn siop gemydd neu siopau fel Cash Converters – yn enwedig os yw wedi’i gwneud o aur neu arian.

Ffrindiau, perthnasau a digwyddiadau lleol

• Holwch ffrindiau a pherthnasau – efallai mai dyna’r union beth maent yn chwilio amdano!
• Gwerthwch eitemau’n lleol mewn arwerthiannau cist car, arwerthiannau ar gyfer eitemau sydd bron â bod yn newydd ac arwerthiannau moes a phryn;
• Ewch â nhw i ddigwyddiad cyfnewid – mae gemwaith a chyfwisgoedd yn ffordd wych i fywiogi eich cwpwrdd dillad!
• Hysbysebwch nhw yn eich papur newydd lleol neu ar hysbysfyrddau lleol;
• Gall gleiniau o gadwyni a breichledi sydd wedi torri fod yn ddefnyddiol ar gyfer prosiectau crefft lleol mewn ysgolion a cholegau.  Beth am gysylltu â nhw i weld a oes eu hangen arnynt?

Sïon sicr...

Ailgylchu arbenigol yw’r opsiwn gorau ar gyfer gemwaith sydd wedi’i wneud o ddeunyddiau drudfawr fel aur ac arian.  Mae llawer o gwmnïau’n cynnig y gwasanaeth hwn:

• Rhowch gynnig ar chwilio am ‘ailgylchu gemwaith’ ar-lein;
• Gwiriwch bapurau newydd lleol neu gyfeirlyfrau ffôn.

Cofiwch, wrth roi eich gemwaith i elusennau: 

• Rhowch nhw mewn bag plastig i’w cadw gyda’i gilydd – fel arall, gallant fynd ar goll yn ystod y broses ddidoli;
• Mae eitemau y gallant eu derbyn yn cynnwys: clustlysau od, mwclis, breichledi, tlysau a chadwyni sydd wedi torri, ac oriorau nad ydynt yn gweithio mwyach.